1937 சனவரி 19 ல் இலங்கை யாழ்ப்பாண நகருக்கு அருகாமையில் உள்ள கொக்குவில் கிராமத்தில் பிறந்தவர். அப்பாத்துரை, ராசம்மா தம்பதிகளுக்கு பிறந்த ஏழு பிள்ளைகளில் ஐந்தாவது ஆவார். கொக்குவில் இந்துக் கல்லூரியிலும், யாழ்ப்பாணக் கல்லூரியிலும் பயின்ற இவர் கொழும்புப் பல்கலைக்கழகத்தில் விஞ்ஞானப் படிப்பை முடித்தபின் இலங்கையில் பட்டயக் கணக்காளராகவும், இங்கிலாந்தின் முகாமைத்துவக் கணக்காளராகவும் பட்டம் பெற்றவர். பணி நிமித்தமாக பல நாடுகளுக்கு பயணித்திருக்கும் இவர் ஏறத்தாழ இருபது ஆண்டுகள் உலக வங்கியிலும், ஐக்கிய நாடுகள் அவையின் OPS பிரிவிலும் முக்கியமான பதவிகளில் பணியாற்றி தற்சமயம் புலம் பெயர்ந்து தன் மனைவி கமலரஞ்சினியுடன் கனடாவில் வசித்து வருகிறார்.பிள்ளைகள் இருவர் : சஞ்சயன், வைதேகி. வைதேகியின் மகள் தான் அடிக்கடி இவர் கதைகளில் வரும் அப்சரா.
அ. முத்துலிங்கம், பேராசிரியர் க.கைலாசபதியால் எழுத்துலகுக்கு அறிமுகப்படுத்தப்பட்டவர். இலங்கை தினகரன் சிறுகதைப் போட்டியில் முதல் பரிசு பெற்ற ‘அக்கா’ சிறுகதையை தலைப்பாகக் கொண்ட இவரின் முதல் தொகுப்பு திரு க.கைலாசபதியின் அணிந்துரையுடன் 1964ல் வெளியானது. நீண்டகால இடைவெளிக்கு பிறகு 1995ல் மறுபடியும் எழுதத் தொடங்கி சிறுகதைகள், கட்டுரைகள், மொழிபெயர்ப்புகள், நேர்காணல்கள், புத்தக மதிப்புரைகள், நாடக, சினிமா விமர்சனங்கள் என்று எழுதி வருகிறார். இருபதுக்கு மேற்பட்ட வெளிநாட்டு ஆங்கில எழுத்தாளர்களுடன் இவர் நடாத்திய நேர்காணல் கட்டுரைகள் தொகுப்பாக விரைவில் வெளிவர இருக்கிறது. தற்போது, கனடாவில் பதிவு செய்யப்பட்ட தமிழ் இலக்கியத் தோட்டம் (Tamil Literary Garden) என்னும் அறக்கட்டளை குழுமத்தில் முக்கிய உறுப்பினராக செயலாற்றுகிறார்
. கடந்த இரண்டரை வருடங்களாக, 2015ல் இருந்து ஹார்வார்ட் தமிழ் இருக்கை அமைப்பின் உறுப்பினராகச் செயலாற்றுகிறார். 2018 மார்ச் 5ம் தேதி ஹார்வார்ட் விதித்த இலக்கான 6 மில்லியன் டொலர்கள் உலகம் முழுவதிலுமிருந்து நன்கொடையாக திரட்டப்பட்டு விட்டதால் தமிழ் இருக்கை உறுதியானது
நவீன தமிழ் இலக்கியத்திற்கு ஈழத் தமிழ் தந்திருக்கும் முக்கியமான கொடை என்று அ.முத்துலிங்கம் படைப்புகளைச் சொல்லலாம். அவர் கதைகளில் காணப்படுவது வெவ்வேறு தேசங்கள், வெவ்வேறு கலாச்சாரங்கள், வெவ்வேறு மனிதர்கள். ஆனால் தமிழ் வாசகருக்கு அந்நியப்படாமலும், தீவிரம் சிதைக்கப்படாமலும் அப்புனைவுகள் படைக்கப்பட்டிருக்கின்றன. நாம் அறிந்த உலகங்களுக்கு நாம் அறியாத பாதைகளில் அவை எம்மை இட்டுச் செல்கின்றன; பிரமிக்கவைக்கின்றன. அவரின் பார்வை அதிசயமான கூர்மை கொண்டது. வார்த்தைகளே தன்னை வசீகரிப்பதாக, சிந்திக்க வைப்பதாக, ஆட்கொள்ளுவதாகச் சொல்லும் அ.முத்துலிங்கத்தின் எழுத்தும் நம்மை அதேவிதமான பாதிப்புக்கு உள்ளாக்குகிறது.
| சிறுகதைகள் | ஆண்டு |
|---|---|
| அக்கா தொகுப்பு 1964 | |
| 1. கடைசி கைங்கரியம் | 1958 |
| 2. ஊர்வலம் | 1958 |
| 3. கோடைமழை | 1959-1961 |
| 4. அழைப்பு | 1959-1961 |
| 5. ஒரு சிறுவனின் கதை | 1959-1961 |
| 6. அனுலா | 1959-1961 |
| 7. சங்கல்ப நிராகரணம் | 1959-1961 |
| 8. இருப்பிடம் | 1959-1961 |
| 9. பக்குவம் | 1959-1961 |
| 10. அக்கா | 1959-1961 |
| திகடசக்கரம் தொகுப்பு 1995 | |
| 11. பார்வதி | 1994 |
| 12. குங்கிலிய கலய நாயனார் | 1994 |
| 13. பெருச்சாளி | 1994 |
| 14. மாற்றமா?தடுமாற்றமா? | 1994 |
| 15. வையன்னா கானா | 1994 |
| 16. குதம்பேயின் தந்தம் | 1994 |
| 17. செல்லரம்மான் | 1994 |
| 18. திகடசக்கரம் | 1994 |
| வம்சவிருத்தி தொகுப்பு 1996 | |
| 19. துரி | 1995 |
| 20. ஒருசாதம் | 1995 |
| 21. கிரகணம் | 1995 |
| 22. விழுக்காடு | 1995 |
| 23. பீனிக்ஸ் பறவை | 1995 |
| 24. முழுவிலக்கு | 1995 |
| 25. முடிச்சு | 1995 |
| 26. ஞானம் | 1995 |
| 27. சிலம்பு செல்லப்பா | 1995 |
| 28. வம்சவிருத்தி | 1995 |
| 29. பருத்தி பூ | 1995 |
| 30. வடக்கு வீதி | 1996-1997 |
| வடக்கு வீதி தொகுப்பு 1998 | |
| 31. எலுமிச்சை | 1996-1997 |
| 32. குந்தியின் தந்திரம் | 1996-1997 |
| 33. வசியம் | 1996-1997 |
| 34. பூமாதேவி | 1996-1997 |
| 35. யதேச்சை | 1996-1997 |
| 36. கம்ப்யூட்டர் | 1996-1997 |
| 37. ரி | 1996-1997 |
| 38. உடும்பு | 1996-1997 |
| 39. மனுதர்மம் | 1996-1997 |
| 40. விசா | 1996-1997 |
| 41. ஒட்டகம் | 1996-1997 |
| மகாராஜாவின் ரயில்வண்டி தொகுப்பு 2001 | |
| 42. மகாராஜாவின் ரயில்வண்டி | 1999-2000 |
| 43. நாளை | 1999-2000 |
| 44. தொடக்கம் | 1999-2000 |
| 45. ஆயுள் | 1999-2000 |
| 46. விருந்தாளி | 1999-2000 |
| 47. மாற்று | 1999-2000 |
| 48. அம்மாவின் பாவாடை | 1999-2000 |
| 49. செங்கல் | 1999-2000 |
| 50. கடன் | 1999-2000 |
| 51. பூர்வீகம் | 1999-2000 |
| 52. கறுப்பு அணில் | 1999-2000 |
| 53. பட்டம் | 1999-2000 |
| 54. ஐவேசு | 1999-2000 |
| 55. எதிரி | 1999-2000 |
| 56. ஐந்தாவது கதிரை | 1999-2000 |
| 57. தில்லை அம்பல பிள்ளையார் கோயில் | 1999-2000 |
| 58. கல்லறை | 1999-2000 |
| 59. கொம்புளானா | 1999-2000 |
| 60. ராகு காலம் | 1999-2000 |
| 61. ஸ்ரோபரி ஜாம் போத்தலும் அபீஸீனியன் பூனையும் | 1999-2000 |
| பிற | |
| 62. 23 சதம் | 2001 |
| 63. மொசுமொசுவென்று சடை வைத்த வெள்ளை முடி ஆடுகள் | 2001 |
| 64. அடைப்புகள் | 2001 |
| 65. போரில் தோற்றுப்போன குதிரை வீரன் | 2001 |
| 66. தாத்தா விட்டுபோன தட்டச்சு மெசின் | 2002 |
| 67. ஆப்பிரிக்காவில் அரை நாள் | 2002 |
| 68. கொழுத்தாடு பிடிப்பேன் | 2002 |
| 69. அடுத்த புதன்கிழமை உன்னுடைய முறை | 2003 |
| 70. முதல் விருந்து முதல் பூகம்பம் முதல் மனைவி | 2003 |
| 71. காபூல் திராட்சை | 2003 |
| 72. நாற்பது வருட தாபம் | 2003 |
| 73. பூமத்திய ரேகை | 2003 |
| 74. தளுக்கு | 2003 |
| 75. எந்த நிமிடத்திலும் பறிபோகும் வேலை | 2003 |
| குதிரைக்காரன் தொகுப்பு | 2012 |
| 76. குதிரைக்காரன் | 2012 |
| 77.குற்றம் கழிக்க வேண்டும் | 2012 |
| 78.மெய்காப்பளன் | 2012 |
| 79.பாரம் | 2012 |
| 80.ஐந்து கால் மனிதன் | 2012 |
| 81.ஜகதலப்ரதாபன் | 2012 |
| 82.புளிக்கவைத்த அப்பம் | 2012 |
| 83.புது பெண்சாதி | 2012 |
| 84.22 வயது | 2012 |
| 85.எங்கள் வீட்டு நீதிவான் | 2012 |
| 86.தீர்வு | 2012 |
| 87.எல்லாம் வெல்லும் | 2012 |
| 88.மூளையால் யோசி | 2012 |
| 89.ஆச்சரியம் | 2012 |
| 90.கனகசுந்தரி | 2012 |
| அமெரிக்ககாரி தொகுப்பு | 2009 |
குமுதம் இதழை வாங்கியவுடன் ‘அரசு பதில்கள்’ பகுதியைத்தான் பலரும் முதலில் படிப்பார்கள். அத்தனை பிரபலமானது. பதில்கள் ‘நறுக் நறுக்’ என இருக்கும். வாசகர்கள் எதிர்பாராத ஒரு பதிலைக் கொடுப்பதில்தான் சாமர்த்தியம் இருந்தது. ஒரு முறை வாசகர் இப்படி கேள்வி கேட்டார். ’உங்களுக்கு பிடித்த தமிழ்...
நான் ஆப்பிரிக்காவில் இருந்தபோது ஒரே கதையை பலரும் சொல்லக் கேட்டிருக்கிறேன். அந்தக் கொடூரமான கதை உண்மையாகக்கூட இருக்கலாம். சோமாலியாவில் ஒரு தாயும் சேயும் பாலைவனத்தை கடக்கிறார்கள். மணல் தணல் போல சுடுகிறது. தாய் குழந்தையை இடுப்பில் சுமந்தபடி ஓடுவதும், மர நிழல்களில் சற்று நின்று இளைப்பாறுவதுமாக முன்னேறுகிறாள். ஓர் இடத்தில் கால் வெந்துபோக வேதனை தாங்க முடியாமல் குழந்தையை கொதிக்கும் மணல்மேல் போட்டு...
இன்றைக்கு அவர்கள் வகுப்புக்கு வரும்போது ஒட்டிக்கொண்டு வந்தார்கள். சமந்தாவும் ஒலேக்கும் காதலர்கள் என்ற விசயம் எனக்கு பல நாட்களாகத் தெரியும். எப்பொழுது அவர்கள் பிரிவார்கள் என்று காத்துக்கொண்டிருந்த பெண்களில் நானும் ஒருத்தி. ஏனென்றால் ஒலேக் அத்தனை அழகாக இருப்பான். அவன் உக்கிரேய்ன் நாட்டுக்காரன். உயரமாக நீலக் கண்களுடன் முடி நெற்றியில் விழுந்து புரள புத்தகப் பையை ஒரு தோளில் தொங்கவிட்டபடி...
ஒரு நாள் இரவு இரண்டு மணிக்கு நான் தனியாக காரை ஓட்டிக்கொண்டு போனேன். ரொறொன்ரோ நகரத்தின் ஆறு வீதிகளிலும் ஒரு கார் கிடையாது; பஸ் கிடையாது; பாதசாரி கிடையாது. முழு ரோட்டும் எனக்காகவே போட்டிருந்தது. ஒரு சந்தி வந்து அங்கே சிவப்பு விளக்கு எரிந்தது. குறுக்கே போன அகலமான சாலையும் நிசப்தமாக இருந்தது. கார், பாதசாரிகள் என ஒன்றுமே கிடையாது. சும்மா ஒரு நிமிட நேரம் விளக்கைப் பார்த்தபடி காரில்...
Difficult things we do immediately, miracles take a little longer. கடினமானவற்றை உடனே செய்வோம், அற்புதங்கள் சிறிது நேரம் எடுக்கும். இன்று அருணிடம் இருந்து ஒரு கடிதம் வந்து என்னை ஆச்சரியப் படுத்தியது. அந்தக் கடிதம் கீழே வருகிறது. அதற்கு முதல் முன்கதைச் சுருக்கம். எட்டு வருடங்களுக்கு முன்னர் நடந்தது. என் மகனுக்கு பரிசு வாங்கிக் கொடுக்கும்போது நான் ஒலிப்புத்தகங்களாக வாங்கிக் கொடுப்பேன். அவன்...
ஒரு வித்தியாசமான புலம் பெயர்ந்த ஈழத் தமிழ்க்குரல் வெங்கட் சாமிநாதன் ஈழத் தமிழ்க்குரல் என்றுமே ஒரு வேதனையும் போராட்டமும் கொந்தளிக்கும் குரல்தான். என்றுமே. அதுவும் உரத்த குரலாகத்தான் இருந்து வந்துள்ளது. அப்படித்தான் இருப்பதும் சாத்தியம். அது வாழ்க்கையின் அனுபவத்திலிருந்து வெளிக்கிளர்வது. வேறு எப்படியாகவும் அது இருக்க முடியாது. இலங்கை சுதந்திரம் பெற்று, சேனனாயக தமிழருக்கு குடியுரிமை மறுக்கத்...
முனைவர் ப.சரவணனுக்கு என் நன்றி. நான் என்ன எழுதினாலும் அதைப் படித்துவிட்டு முதலில் கருத்து தெரிவிப்பது அவர்தான். அவரைச் சந்தித்ததில்லை. இதுவரை பேசியதும் இல்லை. இந்தியாடுடேயில் வந்ததை எங்கோ சென்று ஸ்கேன் செய்து எனக்கு அனுப்பியிருக்கிறார். கனடாவில் இந்தியாடுடே வாங்கமுடியாது. 300,000 தமிழர்கள் வசிக்கும் நாட்டுக்கு 50 பிரதிகள் வருகின்றன. நான் எப்பொழுது போய் கேட்டாலும் கடைக்காரர் முடிந்துவிட்டது என்று...
நான் ஆப்பிரிக்காவில் வசித்த காலத்தில் அங்கேயிருந்த கிழவர் ஒருவரிடம் என்னை அழைத்துப்போனார்கள். சுருட்டையான வெள்ளைத் தலைமுடி.. கண்களும் உள்ளங்கைகளும் மஞ்சள் நிறம். அவர்தான் அந்தக் கிராமத்து கணக்காளர். கிராமத்தில் என்ன கணக்கு பிணக்கு வந்தாலும் அவர்தான் தீர்த்து வைப்பார். நான் போனபோது வாயில் ஏதோ முணுமுணுத்துக்கொண்டு இருந்தார். வயல் கணக்குகள், ஆடு மாடு கணக்குகள், குழந்தைகள் கணக்குகள் எல்லாம்...
சரியாக இரண்டு வருடங்களுக்கு முன்னர் (பிப்ரவரி 2010) 85 வயது மூதாட்டி ஒருவர் அந்தமான் தீவில் இறந்துபோனார். அவர் இறந்தபோது அவர் பேசிய மொழியும் இறந்துபோனது. இன்று அதைப் பேச ஒருவரும் இல்லை. அந்த மொழியில் அப்படி என்ன சிறப்பு என்றால் அது 65,000 வருடம் தொன்மையானது. அந்தப் பெண் இறந்தபோது அத்தனை வருடங்கள் வாழ்ந்த மொழி ஒரேயடியாக அழிந்துவிட்டது. இன்று உலகத் தாய்மொழி நாள். தமிழ் உலக மொழிகளில் 15வது...
நைரோபியில் Isak Dinesen வாழ்ந்த வீட்டை அருங்காட்சியமாக மாற்றியிருக்கிறார்கள். நான் அங்கே வாழ்ந்த நாட்களில் இந்த மியூசியத்துக்கு அடிக்கடி போயிருக்கிறேன். ஐஸக் டெனிஸனின் படுக்கை அறையையும், அவர் எழுதிய மேசையையும், உட்கார்ந்த கதிரையையும், எழுதிய பேனையயும், படித்த புத்தகங்களையும் அவர்கள் பாதுகாத்தார்கள். நான் அவருடைய ‘Out of Africa’ நாவலை படித்திருந்தேன். நாவலைப் படித்தபோது பலதடவை இவருக்கு...
Recent Comments